2024 წელს სააგენტომ შემდეგი საქმიანობა გასწია:

• განხილულ იქნა საჯარო და კერძო თანამშრომლობის 105 პროექტი, რომლებიც ენერგეტიკის სფეროს მიეკუთვნება;
• 2024 წელს საჯარო და კერძო თანამშრომლობის სააგენტომ აქტიურად დაიწყო მუშაობა თბილისის ხელმისაწვდომი საცხოვრისის პროექტზე. პოტენციური საჯარო და კერძო თანამშრომლობის პროექტის იდენტიფიცირების ფარგლებში სააგენტომ შეხვედრები გამართა სხვადასხვა უწყებასთან, სფეროს ექსპერტებთან, გამოითხოვა და შეაგროვა შესაბამისი მონაცემები და ინფორმაცია.
• 2024 წლის განმავლობაში, სააგენტო აქტიურად განაგრძობდა მუშაობას SOURCE სისტემის საქართველოში ინტეგრაციის მიმართულებით. 2022 წლიდან დღემდე სააგენტომ უზრუნველყო SOURCE პლატფორმის შესახებ რამდენიმე პრეზენტაციის მოწყობა ინფრასტრუქტურული პროექტების განხორციელებაში ჩართულ უწყებებში. ქართულმა მხარემ გამოხატა დაინტერესება SOURCE სისტემის მიმართ და ნათლად დაინახა ის სარგებელი, რომელიც ინფრასტრუქტურული პროექტების მართვის სისტემას გააჩნია. შედეგად რამდენიმე დამატებითი შეხვედრა გამართა სხვადასხვა დაინტერესებულ მხარესთან და გაგრძელდა მსჯელობა SOURCE სისტემის საქართველოში დანერგვის გზებისა და შესაძლებლობების იდენტიფიცირების შესახებ.
• 2024 წლის ზაფხულიდან საჯარო და კერძო თანამშრომლობის სააგენტო ჩაერთო საჯარო და კერძო თანამშრომლობის მარეგულირებელი ქართული კანონმდებლობის ევროკავშირის დირექტივებთან ჰარმონიზაციის მიმართულებით მუშაობაში. აღნიშნული პროცესის ფარგლებში სააგენტო პერიოდულად მართავდა შეხვედრებს საქართველოს მთავრობის ადმინისტრაციასთან, ეკონომიკისა და მდგრადი განვითარების სამინისტროსთან და სახელმწიფო შესყიდვების სააგენტოსთან.

მეტი ინფორმაცია შეგიძლიათ იხილოთ: სააგენტოს მიერ 2024 წელს გაწეული საქმიანობის ანგარიში