სააგენტოს უფროსმა ანალიტიკოსმა Daelim Group-ის წარმომადგენლებთან შეხვედრა გამართა
დღეს, საჯარო და კერძო თანამშრომლობის სააგენტომ ,,DL (Daelim) Group”-ის ინდუსტრიულ ჯგუფში შემავალი კომპანიის ,,DL E&C Co Ltd”-ის გენერალურ მენეჯერს, ჯანგ ოქჯაესა და რეგიონული წარმომადგენლობის ხელმძღვანელს, ალი ალსირთს უმასპინძლა. კომპანია დაინტერესებულია საქართველოში ინვესტირებითა და საჯარო და კერძო თანამშრომლობის პროექტის განხორციელებით.
საჯარო და კერძო თანამშრომლობის სააგენტოს უფროსმა ანალიტიკოსმა, ლევან ბატიაშვილმა სტუმრებს გააცნო საქართველოში საჯარო და კერძო თანამშრომლობის პროექტის განხორციელების პროცესი, პროექტის კანონით განსაზღვრული კრიტერიუმები, საჯარო და კერძო თანამშრომლობის პროექტის შემუშავებისა და განხორციელების ფაზები, კანონით გათვალისწინებული მხარდაჭერის სქემები და ა.შ. სააგენტოს უფროსი ანალიტიკოსი სტუმრებს ასევე ესაუბრა საჯარო და კერძო თანამშრომლობის სააგენტოს როლსა და კომპეტენციის ფარგლებზე. სტუმრებს გადაეცათ ბროშურა, რომელშიც თვალსაჩინოდაა გადმოცემული დ განმარტებული საჯარო და კერძო თანამშრომლობის პროექტის განხორციელების ეტაპები.
საინტერესოა, რომ „DL (Daelim) Group“ არის სამხრეთ კორეაში არსებული ერთ-ერთი უმსხვილესი ბიზნესგაერთიანება, რომლის დაქვემდებარებაში მყოფი კომპანიები საქმიანობენ ნავთობპროდუქტების, ინფრასტრუქტურული პროექტების, ქიმიური მრეწველობის, ავტონაწილების წარმოების და სხვა სფეროებში. აღსანიშნავია, რომ ჯგუფის შვილობილი კომპანიის ,,DL E&C Co Ltd“ თანამონაწილეობით, თურქეთის რესპუბლიკაში წარმატებით განხორციელდა არაერთი მასშტაბური საჯარო ინსრასტრუქტურული პროექტი.
