სააგენტოს თავმჯდომარის მოადგილე IFC-ის წარმომადგენლებს შეხვდა
დღეს საჯარო და კერძო თანამშრომლობის სააგენტოს თავმჯდომარის მოადგილემ, ლევან ბატიაშვილმა შეხვედრა გამართა სტუმრებთან საერთაშორისო საფინანსო კორპორაციიდან (IFC). კერძოდ, კორპორაციას წარმოადგენდნენ მთავარი საინვესტიციო ოფიცერი – ბერნარ ატლანი, ფილიპ დრაპაკი – კორპორაციის ბელგრადის ოფისიდან, ასევე მეჰიტა ფანნი, რომელიც არის კორპორაციის მრჩეველი საჯარო და კერძო თანამშრომლობის მიმართულებით ევროპის რეგიონში.
მხარეებმა განიხილეს საჯარო და კერძო თანამშრომლობის ქართული მოდელი, საკანონმდებლო ჩარჩო, მხარდაჭერის სქემები, საჯარო და კერძო თანამშრომლობის მიმდინარე პროექტები, საჯარო და კერძო თანამშრომლობის პროცესის გამოწვევები და სხვა. სტუმრებს გადაეცათ ბროშურა, რომელშიც თვალსაჩინოდაა გადმოცემული საქართველოში საჯარო და კერძო თანამშრომლობის პროექტის განხორციელების ფაზები.
საერთაშორისო საფინანსო კორპორაციის წარმომადგენლებმა გამოთქვეს მზადყოფნა, სააგენტოს აღმოუჩინონ მხარდაჭერა, სადაც ეს შესაძლებელი იქნება. აღნიშნულ საკითხთან დაკავშირებით, მხარეები შეთანხმდნენ თანამშრომლობის გაგრძელებაზე.