სააგენტოს მსოფლიო ბანკის მისია ესტუმრა
2022 წლის 9 სექტემბერს, საჯარო და კერძო თანამშრომლობის სააგენტოს ესტუმრა მსოფლიო ბანკის მისია, რომელიც მუშაობს საქართველოში საჯარო ფინანსების მართვის საკითხებზე. მისიას წარმოადგენდნენ საჯარო ინვესტიციის უფროსი სპეციალისტები – Tessa Cullen და Ian Halvdan Ross Hawkesworth.
სააგენტოს უფროსმა ანალიტიკოსმა, ლევან ბატიაშვილმა, სტუმრებს გააცნო საჯარო და კერძო თანამშრომლობის სააგენტოს ვალდებულებები, საჯარო და კერძო თანამშრომლობის პროცესში სააგენტოს მონაწილეობის ეტაპები, სხვა უწყებებთან თანამშრომლობის მექანიზმები, საჯარო და კერძო თანამშრომლობის პროექტების მიმდინარეობის ფაზები, კერძო პარტნიორის პროექტში მონაწილეობის კრიტერიუმები და მისი მოვალეობები, კერძო პარტნიორის კანონით გათვალიწინებული შერჩევის პროცედურები, ასევე ესაუბრა ელექტროენერგიის გარანტირებული შესყიდვის ხელშეკრულებიდან გამომდინარე სახელმწიფოს ვალდებულებებზე და ა.შ.
საჯარო ფინანსების მართვის 2018-2022 წწ. სტრატეგიის მიხედვით, დოკუმენტის მიზანია საჯარო ფინანსების მართვის სისტემის გაუმჯობესება, რაც, საბოლოოდ, დადებითად აისახება მომსახურების ყველა სფეროზე და მომსახურებით მოსარგებლე მოქალაქეებზე.