სააგენტომ საერთაშორისო საკონსულტაციო კომპანიასთან შეხვედრა გამართა
დღეს, საჯარო და კერძო თანამშრომლობის სააგენტოს თავმჯდომარემ, ნატალია მოწონელიძემ და სააგენტოს უფროსმა ანალიტიკოსმა, ლევან ბატიაშვილმა შეხვედრა გამართეს საერთაშორისო საკონსულტაციო კომპანია „Rothschild & Co“-ს სამეთვალყურეო საბჭოს წევრთან, ქალბატონ არიელ მალარდ დე როტშილდთან. შეხვედრას საქართველოს პრემიერ-მინისტრის ეკონომიკური გუნდის წევრიც ესწრებოდა.
სააგენტოს წარმომადგენლებმა სტუმარს დეტალურად განუმარტეს საქართველოში საჯარო და კერძო თანამშრომლობის მექანიზმის თავისებურებები, არსებული საკანონმდებლო ჩარჩო, PPP პროექტის შემუშავებისა და განხორციელების ეტაპები, სააგენტოს ფუნქციები, ასევე ისაუბრეს სააგენტოს მიერ განხილულ PPP პროექტებზე. საკონსულტაციო კომპანიის წარმომადგენელი დაინტერესებული იყო საქართველოს საინვეტიციო გარემოთი, ასევე სექტორებით, სადაც შესაძლებელია საჯარო მომსახურების შექმნა/გაუმჯობესება და საჯარო და კერძო თანამშრომლობის პროექტების განხორციელება. სტუმარმა ყველა კითხვაზე ამომწურავი პასუხი მიიღო.
აღსანიშნავია, რომ „Rothschild & Co“ ერთ-ერთი წამყვანი საკონსულტაციო კომპანიაა მსოფლიოში, რომელსაც ამ სფეროში თითქმის 200-წლიანი გამოცდილება აქვს. კომპანიის ძირითად საქმიანობას საფინანსო სერვისების მიწოდება წარმოადგენს და ფართო გლობალური ქსელის საშუალებით, რომელიც აერთიანებს 60 ოფისს 40 სხვადასხვა ქვეყანაში, ის წარმატებით ოპერირებს მსოფლიოს ფინანსურ ბაზრებზე.