სააგენტომ ინვესტიციების მოზიდვის თემაზე გამართულ სამუშაო შეხვედრაში მიიღო მონაწილეობა
2023 წლის 22 თებერვალს, თბილისში, მსოფლიო ბანკისა და საერთაშორისო საფინანსო კორპორაციის ორგანიზებით, გაიმართა სამუშაო შეხვედრა, რომელიც განახლებადი ენერგიისა და სატრანსპორტო ლოჯისტიკის სექტორებში მეტი ინვესტიციის მოზიდვის საკითხებს მიეძღვნა. ღონისძიებაზე საჯარო და კერძო თანამშრომლობის სააგენტოსთან ერთად, მიწვეულნი იყვნენ საჯარო უწყებების, კერძო სექტორის, არასამთავრობო და დონორი ორგანიზაციების წარმომადგენლებიც.
შეხვედრის მონაწილეებმა იმსჯელეს საქართველოში ენერგეტიკის სფეროში არსებულ სიტუაციაზე, თბილისის საერთაშორისო ლოგისტიკურ ცენტრად გადაქცევის შესაძლებლობებზე, საქართველოს ტვირთგამტარიანობისა და ცენტრალური კორიდორის ფუნქციის შესრულების პოტენციალზე და ასე შემდეგ.
სამუშაო შეხვედრაზე განხილული საკითხები და დისკუსიის შედეგები აისახება საქართველოს კერძო სექტორის დიაგნოსტიკურ ანგარიშში, რომელსაც მსოფლიო ბანკის ჯგუფი ამზადებს. სააგენტოს რეკომენდაციით, ანგარიშში გათვალისწინებული იქნება უკვე განხორციელებული ენერგეტიკული პროექტების დროს არსებული ხარვეზები, ასევე მოხდება სხვა ქვეყნების საუკეთესო გამოცდილების ანალიზიც.