სააგენტომ ანაკლიის ნავსადგურის თაობაზე სამუშაო შეხვედრა გამართა
დღეს, საჯარო და კერძო თანამშრომლობის სააგენტოსა და ანაკლიის ღრმაწყლოვანი ნავსადგურის განვითარების სააგენტოს წარმომადგენლებს შორის სამუშაო შეხვედრა გაიმართა. PPP სააგენტოს მხრიდან შეხვედრას ესწრებოდნენ სააგენტოს თავმჯდომარე, ნატალია მოწონელიძე და უფროსი ანალიტიკოსი, ლევან ბატიაშვილი, ხოლო ანაკლიის ღრმაწყლოვანი ნავსადგურის განვითარების სააგენტოს წარმოადგენდნენ სააგენტოს დირექტორი – დავით ჯავახაძე და სააგენტოს დირექტორის მოადგილე – ქეთევან გოგუა.
როგორც ცნობილია, ანაკლიის ნავსადგურის პროექტის განხორციელება დაგეგმილია ინსტიტუციური საჯარო და კერძო თანამშრომლობის ფორმით. შესაბამისად, შეხვედრის დროს, დამსწრეებმა განიხილეს პროექტთან დაკავშირებული საკითხები, შესაბამისი საკანონმდებლო ჩარჩო, „საჯარო და კერძო თანამშრომლობის შესახებ“ საქართველოს კანონისა და 426-ე დადგენილების დებულებები. საუბარი შეეხო ასევე იმ სამუშაო ჯგუფს, რომელშიც, სხვა უწყებებთან ერთად, საჯარო და კერძო თანამშრომლობის სააგენტოცაა წარმოდგენილი და რომელიც ანაკლიის პროექტთან დაკავშირებული პროცესების გამართვას და შესარჩევი კომისიის საქმიანობის მხარდაჭერას უზრუნველყოფს.
აღსანიშნავია, რომ საჯარო და კერძო თანამშრომლობის სააგენტო, თავისი კომპეტენციის ფარგლებში, აქტიურად თანამშრომლობს სხვა უწყებებთან საჯარო და კერძო თანამშრომლობის პროცესის შესახებ კონსულტაციის გაწევის მიმართულებით.
