მისია
საჯარო სამართლის იურიდიული პირი – საჯარო და კერძო თანამშრომლობის სააგენტოს მიზანია, სახელმწიფო და კერძო სექტორებს შორის სამართლიანი და ეფექტიანი თანამშრომლობის მხარდაჭერის გზით, საქართველოს მთავრობის განვითარების გეგმით გათვალისწინებული ამოცანების მიღწევის უზრუნველყოფა.
საქმიანობის ყველა ეტაპზე, სააგენტო ხელმძღვანელობს ინკლუზიური ეკონომიკური ზრდის პრინციპებით, რაც ემსახურება საქართველოში სიღარიბის დაძლევასა და საერთო კეთილდღეობის ამაღლებას. სწორი და „ჭკვიანი“ მარეგულირებელი საკანონმდებლო ჩარჩოს მეშვეობით, სააგენტო ხელს უწყობს საიმედო და მდგრადი საინვესტიციო პრაქტიკის შექმნას და ბიზნესგარემოს გაუმჯობესებას.
2019-2020 წლების სამთავრობო პროგრამის შესაბამისად, სააგენტო აქცენტს აკეთებს ისეთ პროექტებზე, რომლებიც ხელს შეუწყობს საქართველოს რეგიონულ ჰაბად ჩამოყალიბებას შემდეგ სფეროებში: ინოვაციური და ციფრული ეკონომიკა, ტრანსპორტი, ენერგეტიკა და მრეწველობა, განათლება.